राष्ट्रकवि माधवप्रसाद घिमिरे : उन्नयन र अनुशासनका दोभान
भाद्र २, राष्ट्रकवि माधवप्रसाद घिमिरको साँझ ५:५५ बजे आफ्नै निवासमा १०१ वर्षको उमेरमा निधन भएको छ। उच्च रक्तचाप र मधुमेहको समस्याबाट पिडित उहाँलाई दुई सातादेखि श्वास–प्रश्वासमा पनि समस्या देखिएको थियो। वि.सं.१९७६ साल असोज ७ गते लमजुङको पुस्तुन गाउँमा जन्मिनु भएका घिमिरेले नेपाली साहित्यमा गीतिनाटक, शोककाव्य, निबन्ध, गीत लगायतका विविध विधाहरूमा कलम चलाउनुभएको छ , जसअन्तर्गत गौरी, नव मञ्जरी, मालती मङ्गले, हिमालपारि हिमालवारि, राजेश्वरी, इन्द्रकुमारी, राष्ट्रनिर्माता, किन्नर–किन्नरी, आफ्नो बाँसुरी आफ्नै गीत, चारु चर्चा लगाएतका कृतिहरु पर्न आउँछन् । १४ वर्षको कलिलो उमेरमै ‘ज्ञानपुष्प’ नामक कृति गोरखापत्रमा प्रकाशित गरेर साहित्य क्षेत्रमा प्रवेश गर्नुभएका उहाँले ‘फूलको थुङ्गा बगेर गयो’, आजै र राति के देखेँ सपना’ तथा ‘गाउँछ गीत नेपाली’ जस्ता लोकप्रिय गीतहरूको पनि रचना गर्नुभएको थियो । वि.सं.२०५४ सालमा ‘हिमालपारि हिमालवारि’ र वि.सं.२०५८ सालमा ‘चारु चर्चा’ निबन्धका लागि दुई पटक साझा पुरस्कारबाट सम्मानित हुनुभएका घिमिरेलाई वि.सं. २०७४ सालमा नेपाली सेनाको मानार्थ सहायक रथीको उपाधिबाट समेत सम्मानित गरिएको थियो ।
नेपाली साहित्यमा पुर्याउनुभएको योगदानको कदरस्वरूप २०६० साल असोज ९ गते सरकारले उहाँलाई ८५ वर्षको उमेरमा राष्ट्रकविको उपाधि प्रदान गरेको थियो ।
